குன்னகுடியெனும் குன்று

குன்னக்குடி வைத்யநாதன் மறைந்துவிட்டார் எனும் சேதி வருத்தமளிக்கிறது. அவர் முறையான சாஸ்தீரிய சங்கீதம் கற்று காலத்தின் போக்கிற்கிணங்க மெல்லிசைக்கு வந்து, கலப்பு இசைக்குள் புகுந்து, சினிமாவில் கொடி கட்டிப்பரந்து, வானொலியில் ஒலிபரப்பி, திருவைய்யாறு உற்சவத்தில் தலமையேற்று ஒரு சூறாவளிபோல் வந்து மறைந்துவிட்டார். குன்னக்குடியின் இசையை தூங்கப்போகும் முன் போட்டுவிடக்கூடாது. அவரொரு வயலின் புயல். அப்படியொரு அசுர வேகம். என்னதான் சாதகமோ! வயலினில் "மருதமலை முருகா!" என்று பேச வைப்பார் ;-)அவர் "பட்டை" அடித்துக் கொண்டு பட்டையைக் கிளப்புவது கொஞ்சம் சங்கோஜமாக இருக்கும். ஏன்? மனிதர் இப்படி தன்னை முன்னிலைப்படுத்துகிறார் என்று! அவர் திறமையைப் பார்க்கும் போது அதை மன்னிக்கத்தான் தோன்றுகிறது!

0 பின்னூட்டங்கள்: